Urdu Totky

Easy Mota Hone ka Tarika Urdu Totkay

Written by Sohail

Easy Mota Hone ka Tarika Urdu Totkay

mota hone ka tarika

Mota Hone ka Tarika: Bohat sy log Motapay ki problem ko face karty hain or kuch log thora mota hone ka tarika dhond rahy hoty hain q k normal se kam wait hona b aik problem ha.

Motapa hamary Country ka sab se bara health issue ha lekin wazan ka kam hona b health k liye utna hi dangerous ha jitna k motapa, but iski ratio kam ha isi liye discussions b zara kam hain.

Research k mutabik jin logon ka wazan normal se kam ha wo infections, fractures or dosri health issues ka bohat jaldi shikaar hotay hain.Isi liye hamain thori c struggle kar k apny weight ko barhana chahiye or proper body ko shape main lana zarori ha.

Ye itna mushkil kam nahi ha or isky liye apko sirf apni routine ko maintain karna ha or bas maintain karna ha, So Let’s Go

Mota Hone ka Tarika in Urdu:

Jab ap apna mota hone ki try kar rahy hain to make sure k ap isy sahi method se kar rahy hain, Jaisa k ap wazan soda or donuts istemal kar k b barha sakty hain lekin ye apki health ko khatam kar dega or aisy wazan ka koi faida b nahi ha.

Actually, Hum ne weight barhanay k sath apni body shape ko b perfect rakhna ha warna sirf belly fat ikathy karny main apko ziada time nahi lagy ga.So aisy methods se jitna ho saky door rahien.

Jitna Apki Body calories use karti ha us se ziada khain:

Ye sab se zarori cheez ha k ap normally jitna khaty hain us se ziada khain q k ap ko extra calories chahiyen, starting main ye thora mushkil task ha lekin big plates or big glass istemal karny se ap ye habit easily bana sakty hain or khud ko khany se overload karna yad rakhien.

Isky elawa sab se best suggestion yeh ha k jo b apne khaya tha wo ap bhool jain or next product khany ki taraf dhayan dain ye apka mood khany ki taraf le jayega, warna 2 paratha nashta kar k 3 ghanty bad milk shake peeny par kon razi hota ha ? Khany ko bhool jain or agly k liye ready rahien.

Jitna ho Saky Protein Khain:

Mota hone ka asan tarika or natural way yehi ha k ap proteins khana start karein q k hamary muscles protein se bany hoty hain, isky bagair jitni b extra calories ap khaty hain wo fat main change ho sakty hain.

American Research k mutabik agar ap ziada kha rahy hain or proteins ki amount ziada ha to apky fats ki tention leny ki zarorat nahi ha q k ye apky muscles banaye ga.

High Protein Foods khain jaisa k Meat (Ghosht) not chicken, Fish khain, Eggs, Dairy products Doodh – Dahi – Cream, Nuts khain or isky elawa bohat se log protein shakes b istemal karty hain thora research kar k ap wo b use kar sakty hain.

Fats or Carbs Khain:

Jaisa k kafi log Motapay ki waja se fats or carbs nahi khaty apne unse ulat kam karna ha (waisy b kafi ulat kam karty hongy) or har wo cheez khain jo diet k mutabik log nahi khaty.

Isky liye apka 3 time khana zarori ha isky elawa jitny b carbs or fats waly foods hain wo khaty rahien jaisa k Avocados, Cheese, Dark choclate, Desi Anday, Dahi (Malai k sath), Rice, boiled Potatoes wagaira.

Shakes Piyen or Fruits Khain:

Kafi logon ki routine main (including me) fruits nahi hoty jiski waja se bohat c problems ati ha, Mota hone ka tarika fruits ko add kiye bagair incomplete ha to ap jab b thori c bhook bardasht karein ya bilkul b bardsht na karein to hard calories fruits khain jaisa k Banana, Apples, Pineapples, Pears, dry fruits.

Isky elawa ap daily basis par fruit shakes piyen ye sab mota hone k tarike se best ha, daily basis par 1-2 Big Glass shake piyen chahy wo banana, mango kisi b chz ka ho sakta ha.

Heavy Weight Uthain:

Jab b mujse koi Mota hone ka tarika ya Mota hone ki tips pochta ha to main unko sab se pehly yehi suggest karta hun k thory days main khana peena start karny k bad ap weight lifting karna start kar dain q k main ne b same kia tha or bohat kam time main perfect result mila.

Khair weight lifting ap pass wali Gym par ja k b kar sakty hain or agar ghar py karna ha to usky liye Dumbells wagaira required hongy, But Gym jain udr ziada mazy ka atmosphere hota ha.

Weight lifting is liye bohat ziada zarori ha q k is se apko 300% ziada bhook lagy gi or ap apni pasand k elawa baki cheezain b kha jain gy means extra food, Isky elawa jab ap itni ziada amount main diet ly rahy hain jo k normally ap nahi lety to weight lifting se wo apky un muscles par use hogi bajaye k belly fat start hojaye.

Gym Kaisy Start Kia Jaye ?

Sab ye kehty hain k Gym Join karo lekin udhar ja k jo ajeeb c feeling ati ha k sab bodybuilders hain or main akela hi hun jis se 2 Kgs dumbell b lift nahi hoty to us feeling ko kaisy khatam kia jaye, well main apko apna method batata hun.

Sab se pehli bat starting main akely Gym Join karein or kisi trainer ko na lain (mostly jo haamry friends hoty hain) or kuch exercises internet se deikh lain jo apne perform karni ha.Usky bad Gym proper dress main jain jaisa k main Gym Gloves, Trouser, T-shirt, Shoes pehan k jata hun jis se proper feel ati ha k main idr exercise karny aya hun.

Usky elawa jab ap pori kit ya dress main hongy to koi b apko ghoor kar nahi deikhy ga q k is dress ka matlab ha k apko pata ha k exercise kaisy karni ha.

Sab se Important bat confident ho kar jain jaisy ap pehly 2 saal body building karty rahy hain or phir chor di thi but ab dobara start karni ha (yeah like that haha), Iska faida yeh hoga k ap ye nahi sochain gy k baki log mery bary main kia soch rahy hongy or sirf apni exercise par concentrate karein.

Last trick yeh ha k ap bilkul zero weight se lifting karna start karein agar first day hi 5-6 Kgs se start karein gy to ap itna thak jain gy k agly din ja nahi sakein gy isi liye slowly start karein or apny weight ko barhaty jain or han daily jain chahy kam time k liye jain.

7 Mazeed Mota Hone k Tips:

1: Khany se Pehly pani na piyen.

2: Thory time k bad kuch na kuch khaty rahien.

3: Doodh Piyen with Malai.

4: Protein Shakes Piyen.
5: Khany k liye bari plates use karen.

6: 7-8 Ghanty k liye soyen.

7: Ciggerete na Piyen (Agar daily ka scene ha to thori kam kar dain).

Lagataar Kam Karein (Akhri Alfaaz):

Mota Hone ka tarika to main ne apko bata dia ha lekin is main se sab se zarori bat jo ha wo yeh ha k iska result bohat ziada fast nahi ha means ap 2-3 weeks main kafi ziada wazan nahi barha sakty, Isi liye agar start main apko result nahi b mil rahy to ap apni activity or routineko jari rakhien.

Mota hone ka tarika yehi ha k ap apni khany peeny ki routine or weight lift karny ki routine k sath consistent rahien or starting main results deikhy bagair hi lagy rahien kuch time k bad apko feel hona start hojaye ga k ye actually main work kar raha ha.

Jab ap thora sa apny wazan main increase deikhain to samaj jain k ab mota hona ya mazeed wazan barhana apky liye mushkil nahi ha bas apni Gym or diet ki routine ko lazmi consistent rakhien.

Umeed ha ap b meri tarha 8-10 Kgs barhanay main to kamyab hongy, I have used the same method or 3 Months main sirf 4 din Gym nahi gaya.

Mazeed agar apko koi help chahiye to neechy comment karein I’ll be happy to see you in the comments.

 

Facebook Comments
%d bloggers like this: