Urdu Totky

Joron ka Dard Khatam Karney ka Best Tarika in Urdu

Joron ka Dard Khatam Karney ka Best Tarika in Urdu
Written by Sohail

Joron ka Dard Khatam Karney ka Best Tarika in Urdu

Joron ka Dard Khatam Karney ka Best Tarika in Urdu

Joron ka dard start hony ki kafi wajohat hoti hain jaisa k osteoarthritis, gout, strain or koi dosri injury jo k apky ligaments ko affect kar rahi ha.

Joron ka dard kafi body parts main hota ha lekin normally ye ghutno, kandhon or kulhoon main hota ha.Ye dard kam se bohat ziada shidat se hota ha or kabhi iski waja se sozish b ho jati ha.

Agar joron ka dard bohat hi ziada ha or bardasht nahi hota or uski wajah arthirits ha to apko doctor se mashwara karna chahiye lekin wo apko kuch time k liye behatr ilaj de sakty hain, Usky elawa ye home remedies istemal kar k joron ke dard ka ilaj ghar par kar sakty hain.

Joron ka Dard Khatam Karein:

Ye home remedies ka koi side effect nahi ha lekin agar ap kisi doctor se ilaj karwa rahy hain to un se mashwara karna behtar ha q k ye kuch medicines k sath react kar sakti hain.

Nariyal k Oil ka Massage:

Massage karny se apky blood ki circulation barh jati ha or apki dard kam ho jati ha, Research k mutabik agar ap daily nariyal k oil ki massage karty hain to apky joron ka dard khatam ho sakta ha.

Lekin usky liye massage karty waqt sahi wala pressure dalein or daily basis par isy karty rahien.

Thanda ya Garam Lagain:

Joron ka dard khatam karny k liye thanda ya garam compress b istemal kia jata ha.Garam cheez joron par rakhny se pain khatam hoti ha or khoon k flow ko taiz karti ha.Isky elawa thandi cheez apki sozish ko khatam karti ha or pain ko khatam karti ha.

1: Aik bottle main neem garam pani daal lain or aik bottle main full thanda pani dal lain or inko towel main lapait lain.

2: Pehly hot wali bottle ko apny joron par 2-3 minutes k liye lagain.

3: Isky foran bad thandy pani ki bottle ko lagain 1 minute k liye.

4: Is process ko daily 5-10 dafa repeat karein is se apky joron ka dard khatam ho jaye ga.

Methi Dana (Fenugreek Seeds):

Methi dana joron ka dard khatam karny k liye best remedy samji jati ha or q k is k andar anti-inflammatory or antioxidant properties hoti hain, jo logon ko bohat ziada joron ka dard ho un k liye bohat faidy mand ha.

1: Methi dana 1 chamach ap grind kar lain or pani k glass main piyen.

2: Isky elawa ap methi dana ko rat ko pani main dabo kar subha khali pait pi b sakty hain.

Also Read: Kamar Dard ka ilaj

Haldi (Turmeric):

Joron k dard ka ilaj karny k liye haldi ko b perfect home remedy kaha gaya ha jo k kafi logon k liye kam kar rahi ha, Q k is k andar aik active ingredient hota ha jiska name curcumin ha jo k anti-inflammatory or antioxidant properties rakhta ha.

1: Neem garam doodh main 1 chamach haldi or thora sa shehad dal kar piyen.

2: Aisy hi doodh main dal kar daily kam se kam 2 weeks k liye piyen apky joron ka dard khatam ho jaye ga.

Lehsan (Garlic):

Lehsan k anadar sulfur or selenium bohat ziada amount main hota ha jo k joron ka dard khatam karny k liye bohat perfect ingredients hain.Research k mutabik arthritic patients main selenium ka level bohat kam hota ha.

1: Ap cooked lehsan ko apni diet main ziada se ziada istemal karein emans daily ap 3-4 lehsaan apny khany main alag se dal kar khain is se apki pain ko bohat relief mily ga.

2: Isky elawa ap isy oil main boil kar k us oil se apna massage kar sakty hain jo k joron ka dard khatam karny k liye bohat effective cheez ha.

Adraak ki Chaye (Ginger Tea):

Adraak ko muscles or joints pain k liye istemal kia jata ha, Is k andar anti-inflmmatory properties hoti hain or research k mutabik ghutno k dard k liye adraak ki chye bohat faidy mand cheez ha.

1: Pani k andar ginger k pieces ko cut kar k dal lain or isy boil karny k liye rakh dain jab boil ho jaye to isko filter kar lain or is main aik chamach honey mix kar lain.

Akhri Alfaaz:

Joron ka dard khatam karny k liye ye kuch home remedies hain jo k kafi logon k liye kam kar rahi hain or ap b is se same result hasil kar sakty hain, Lekin aik bat mind main rakhien k ye remedies ko ikathy istemal na karein balky in main se apko jo sab se best suit karti hain ya jo apko easily available hain ap wo use karein, Is se apka joron ka dard khatam ho jaye ga.

Isky elawa agar ap already kisi doctor se treatment karwa rahy hain to ap ye home remedies istemal karny se pehly apny doctor se mashwara kar lain q k ye kisi medicine k sath react ho k apko koi side effect de sakta ha isky elawa iska koi b side effect nahi ha or medicines k sath reaction k b bohat kam chances hain q k ye sab natural products hain.

Facebook Comments

About the author

Sohail

Sohail Muhammad is senior Author for www.skyoutocme.com and www.skyliv.com.

Read out his reviews and articles about Pakistani Dramas.

%d bloggers like this: